What a honour we had at BLOOM co-working space last night with Oscar-winner - Ruby Yang. Ruby is a Hong Kong film maker and director and with her film "The Blood of Yingzhou District", won the 79th Academy Awards for Best Documentary Short Subject. Ruby has a new documentary "Ritoma རུ་སྟོད་མ།" premiered just days ago. [...]
In conjunction with Oscar-winning director, Ruby Yang's firechat at BLOOM co-working space, the subject of Ruby's new documentary - Norlha Textiles, has setup a popup store at BLOOM. It is our first popup store and it was fun and colorful. Thanks to Ruby Yang, Dechen Yeshi and all the visitors.
As a member of BLOOM co-working space, you do learn about festivals you never came across before. So after "LEAVE WORK AT 4PM DAY", here comes International Pi Day. Pi Day is an annual celebration of the mathematical constant π (pi). Pi Day is observed on March 14 (3/14 in the month/day format) since 3, [...]
BLOOM co-working space's Meet the Founder Series has come to the 4th event. This time, we have invited TeamNote CEO, Roy Law and Branch8 co-founder Matt Li, both graduate of the Y Combinator program, to share their experience for applying to Y combinator. Y Combinator selects 2 batches of startups every year. The few selected startups [...]
The Founder of Likecoin - the soon to be launched cryptocurrency, is here at BLOOM co-working space to explain the design and applications. Likecoin will help all creative artists, from photographers to bloggers to graphics designers, to get paid. Obviously, We've learned about Likecoin but we also learnt a lot on blockchain in the process. [...]
喺Bloom返工到中午， 大家都開始心思思諗緊Lunch食咩好啦!作為一個精明嘅Bloomer， 搵食當然係要經濟實惠啦！但係時間就係金錢，食午飯除左價錢以外，地點都好緊要！！ 畢竟午飯就得一個鐘，就算間餐廳平到飛天，如果地點唔就腳， 行過去時間都已經無咗一半，仲點食飯喎！！位於亞士厘道嘅韓式快餐Hungry Korean就非常適合我哋啦！ ❤️溫馨小提示❤️：Bloomers要留意佢哋係下午茶時段14:30-17:30先會有優惠，各款石頭鍋飯/豆腐湯配飯 $34，各款鐵板燒配飯$40。 鐵板燒韓式牛肉飯 價錢：$40 🌟 🌟 🌟 味道 : 🌟 🌟 🌟 整體味道還好，係普遍韓式鐵板餐嘅味道，牛肉有少少煙韌，椰菜爽脆可口!但口味偏甜，有種好似食甜品嘅感覺，但可以喺落單嘅時候問佢哋攞杯水（免費）。 因為係鐵板餐，餸菜一直有加熱咗嘅鐵板幫手保溫，食到最後一啖餸都仍然係熱熱地嘅，喺冬天時候食真係會成嘅人都暖笠笠㗎！ 肉同菜嘅比例幾乎係一比一，加上一大碗白飯， 環境：🌟 🌟 🌟 🌟 乾淨企理，雖然無乜特別裝修，但感覺明亮乾淨，食野都安心舒適，而且下午茶時段座位比較鬆動，Bloombers食完飯之後仲可以坐多陣休息下添。 抵食：🌟 🌟 🌟 🌟 有菜有肉仲有一大碗熱辣辣嘅白飯，整體份量足夠，係平食午餐嘅唔錯選擇！ **5🌟為最高評分 地址 尖沙咀亞士厘道24-38號天星大廈地下B號舖 Shop B, G/F, Astoria Building, 24-38 Ashley Road, Tsim Sha Tsui
有時候工作忙到令人分身乏術，真係連行落樓下食嗰飯都無時間。喺哩嘅時候，外賣就係一個填飽肚仔嘅好幫手啦！但係係芸芸外賣紙中揀嗰飯，有時候都幾傷腦力㗎，今日就等我幫bloomers試下其中一間專做外賣嘅小店 - 家家樂快餐。 位於亞士厘道嘅家家樂快餐，係一間現存少有嘅舊式港式外賣店。由於專注做外賣，所以甫入店面便係收銀處，後面就係佢哋嘅開放式廚房，幾位師傅不斷喺裡面即場爆炒著一個又一個餸菜。最地道嘅係夥計大哥一句“食咩？”，係典型嘅香港Style，簡潔、快速，夠曬貼地！由落單到師傅炒好個餸都只不過係幾分鐘嘅時間，實在有效率！ 紅燒班腩飯 價錢： $35 🌟🌟🌟🌟 味道：🌟🌟🌟 整體味道不過不失，份量足夠，有菜心、兩塊豆腐同6、7塊班腩。白飯粒粒分明，唔似一般外賣嘅白飯煮得太爛無曬口感，菜心豆腐主要靠獻汁調味。班腩雖然係雪藏魚，食落去都嫩滑同有魚肉一梭梭嘅口感，魚味偏淡，但亦沒有雪藏味，算是不錯。最可惜係獻汁太過傑身，口感無咁討好。 環境：🌟 🌟 店面環境雖然有哋歷史，但係裝修唔算殘舊，舊式本土外賣店嘅裝潢反而更有懷舊格調。開放式廚房望落去尚算乾淨企理。Bloombers要留意佢哋專注做外賣，係無得堂食嘅。不過我哋可以電話叫外賣，喺Bloom裡面坐得舒舒服服咁食嘅 午餐！ 抵食：🌟🌟🌟🌟 🌟 $35一個快餐，份量足夠，有魚有豆腐有菜，味道都正正常常，真係超值啊！ ❤️溫馨小提示❤️：因為係兩點後先買飯，所以可以用到下午茶餐$35紅燒班腩飯嘅優惠，不過Bloombers都唔洗擔心，就算係正價餐牌都有好多中西式飯/粉麵係$40以內㗎！ **5🌟為最高評分 地址: 尖沙咀亞士厘道16號地下 16 Ashley Road,, Tsim Sha Tsui
唔知Bloomers有無發現我哋大廈旁邊有個隱世食堂呢？？無錯！就係海防道臨時街市入面嘅熟食市場啦！！街市裡面有各種唔同嘅檔攤，賣花、肉檔、菜攤⋯⋯但只要Bloomers畀啲耐性繼續深入探究，就會發現內裡竟然埋藏咗好多間食店！！ 講到海防道熟食市場，老饕們都總會聽過德發牛肉丸嘅大名。細細嘅店面、熱鬧嘅環境，細問下先知到原來小店已經有超過大半個世紀嘅歷史。經歷風風雨雨依然屹立不倒，佢哋嘅招牌牛肉丸Bloomers記得要試下啊！招牌牛丸、牛腩、牛雜、牛根，無論係單雙拼都只係要$30咋！仲可以自己選擇粉、麵或者米粉添！！ 雙拼牛丸牛腩河粉 價錢： $30 🌟🌟🌟🌟🌟 味道：🌟🌟🌟🌟 湯底味道比較清淡，有淡淡腩汁味道。伴有兩片生菜葉，叫做有菜有肉，最抵讚嘅係佢哋貼心咁用湯匙裝住蔥花，如果唔鍾意食蔥嘅bloomer就可以好方便咁自己走蔥啦！！ 牛丸爽口彈牙，一咬落去有少少肉汁唧出，牛肉味未算好濃郁但帶有淡淡嘅陳皮味，味道反而令人更加印象深刻。 最出彩嘅faner係佢哋啲牛腩！！腩肉肥瘦相間，炆得好夠腍身，咬落去五香料嘅香味吊出牛肉嘅香氣，滿嘴濃郁牛腩嘅甘香實在令人意想不到！！喺哩碗牛腩上可以品嚐到德發牛肉丸歷經歲月洗禮嘅手藝。 整體份量中等，因為雖然牛丸牛腩嘅份量足夠，但係河粉偏少，如果係男孩子們應該就會唔夠飽，不過佢哋係同旁邊香園共享餐檯，未夠飽嘅Bloomers可以選擇加份多士，都只係需要$11。 又或者可以返BLOOM歎杯Nespresso咖啡，仲有多款零食可以揀添！！ 環境：🌟 🌟 畢竟係臨時街市裡面嘅熟食市場，環境自然係無一般餐廳咁乾淨企理啦。因為唔同店之間都會共享餐檯，所以食客通常都需要同其他人搭檯，環境比較殘舊，但檯面有抹過唔見有食物殘渣，都唔算邋遢。上菜速度超快！如果有興趣去食嘅Bloomers可以去快食一餐之後先上返BLOOM休息一下，再繼續繁忙嘅工作。 抵食：🌟 🌟 🌟 🌟🌟 雖然粉麵份量未算多，但係淨睇雙拼裡面有2粒彈牙牛丸同起碼5粒香糯牛腩，都只不過係 $30，真係超級抵食啊！ **5🌟為最高評分 地址: 尖沙咀海防道390號熟食檔 390 Haiphong Road, Tsim Sha Tsui Shop B, G/F, Astoria Building, 24-38 Ashley Road, Tsim Sha Tsui
可能大家都覺得food court都只有連鎖嗰幾間常見餐廳，但係只要耐心搵下就會留意到總有幾間你未試過嘅餐廳。 我哋樓下嘅大食代相信Bloomers都有幫襯過唔少，但係大家又有無諗過其實裡面都有唔少抵食之選呢？咁啱今日想食得清淡啲，又唔想行咁遠出去覓食，就走入去BLOOM樓下嘅大食代睇睇。 元朗學記粥麵專家，餐牌上有唔少粉麵都只係需要$30+，而粥品全部都係生滾砂鍋粥，都係$40左右，既然想食得清淡啲，索性就試下佢哋嘅生滾粥啦！ 生滾砂鍋牛肉粥 價錢： $40 🌟🌟🌟 味道：🌟🌟🌟🌟🌟 估唔到哩一個粥竟然令人驚喜！粥底一早已經煲好，一落單師傅就即刻拎個砂鍋裝上熬好嘅粥底，加上調味過嘅鮮牛肉片，先用匙羹將粥底同牛肉攪拌均勻，之後整鍋粥放到電池爐上滾熱。等待不用十分鐘粥已經滾好，因為砂鍋有少許保溫作用，拎到餐檯上嘅時候啲粥仍然係噗嚕噗嚕滾個不停。 牛肉片份量唔少，而且片片都大塊，咬落去口感唔會好韌，微咸嘅牛肉亦唔會有嗰種落太多醃料嘅感覺。 粥裡面有少許薑絲同蔥段調味，辟去肉類嘅腥騷味，令整鍋粥味道提鮮。第一口品嚐粥，入口軟糯綿密，米粒經過長時間熬煮已經化為軟綿順滑嘅粥水，牛肉嘅味道令粥水更可口，只係少許鹹味反而吊出牛肉嘅鮮味，牛肉味與粥水融為一體，食落去全身都暖笠笠好舒服。 如果嫌單一個粥味道太過清淡，Bloombers可以喺取餐時自助加上胡椒粉、蔥花，或者炸蒜冬菜，令粥嘅味道更豐富。 ❤️溫馨小提示❤️：Bloomers可以清清地咁食到一半先，再試下加入少量炸蒜冬菜撈勻，炸蒜嘅香氣同鹹香嘅冬菜會令鍋粥更有風味㗎！ 環境：🌟 🌟 🌟 喺櫥窗外望入去，廚房都算乾淨企理。但由於喺大食代裡面，所以中午時間搵位需要啲時間同耐性。 抵食：🌟 🌟 🌟 雖然只不過係一鍋簡單嘅牛肉粥，但係以粥嘅味道，肉嘅份量同用生滾嘅方式出菜，都可以叫做物有所值！ **5🌟為最高評分 地址: 尖沙咀廣東道30號新港中心地庫大食代 Food Republic, Basement, Silvercord Tower, 30 Canton Road, Tsim Sha Tsui
講起米線唔知Bloombers第一個諗起嘅係邊間餐廳呢？譚仔？三哥？抑或雲貴香？還記得學生時代，曾經紅極一時嘅星林居雲南米線餐廳嘛？佢哋嘅老闆曾授勳法國藍帶美食勳章，聽到都已經覺得好犀利，究竟時至今日嘅星林居味道又係點呢？ 午飯時段甫入店內已經人滿為患，好在一個人嘅位置容易搵，毋需等位即可入坐。喺星林居盛名之下，店內有近7成都係遊客，當中又以韓國人為主。墟堪場面令多年未曾再嚐星林居嘅小編內心都充滿期待啊。 麻辣小鍋米線+魚腐、腩肉 價錢：$40 🌟🌟🌟 味道：🌟🌟🌟 唔知係咪盛名之下令人期待感高咗，食落口味道只可以算一般。叫咗個麻辣少少辣走酸嘅湯底，入口第一嘅感覺就係濃郁嘅甜，之後有輕微嘅辣味刺激味蕾，可惜甜味太重麻辣香氣欠奉。最令人難過嘅係明明寫住話少少辣或以上會有肉碎喺湯底內，但小編連肉末嘅影都見唔到，亦可能因為缺少肉碎而令湯底味道有所缺失。 自製腩肉切得比肥牛更薄，濃郁醬香令豬肉更有風味，味道甜甜咸咸，不錯！可惜唔知係咩原因，明明煮得好入味嘅半肥瘦腩肉，口感卻有啲嚡口，無嗰種長時間炆煮之後豬肉應有嘅鬆軟口感。 小編一直以為嗰種圓圓地皺皺地，咬落去軟軟地會好似豆卜咁會吸湯汁嘅係魚腐，亦意味魚腐只係得哩種型態。原來星林居嘅魚腐質感係類似黃金角咁，爽口彈牙，甜甜地有少少魚味，食落去更似係魚豆腐而非魚腐。 整體味道正正常常，只可以算係一碗普通米線，對小編嚟講味道一般，有啲名不副實嘅感覺。 環境：🌟🌟 店舖設計以黑色為主，牆身、檯凳、地板都係黑色，而且燈光偏暗，令人感覺唔夠明亮。由於生意好，店內人滿為患，每個座位之間間隔偏窄。最可惜嘅係餐檯上侍應姊姊只係收拾咗碗筷同用抹布輕輕一掃，檯面上仍有食物殘渣同下一位食客打招呼，所以環境分只可以遺憾地取得2🌟。 抵食：🌟🌟🌟🌟 $26一碗小鍋米線，內裡有酸菜、芽菜、韭菜，選擇辣味湯底可以附有肉碎，喜歡蔬菜嘅Bloomers更加可以要求多芽菜、多韭菜、多莞茜或者多蔥。再加兩款餸腩肉和魚腐都只需$40，選擇自由價錢相宜，抵食之選。 **5🌟為最高評分 地址: 尖沙咀樂道23號地下A舖 Shop A, G/F, No. 23 Lock Road, Tsim Sha Tsui
